متحدہ عرب امارات: تنخواہوں کے تحفظ کا جدید ترین ڈیجیٹل نظام
متحدہ عرب امارات کی وزارت برائے انسانی وسائل نے محنت کشوں کے مالی حقوق کو یقینی بنانے کے لیے “ویج پروٹیکشن سسٹم” کا ایک جدید اور اپ گریڈ شدہ ورژن متعارف کرایا ہے جو اب براہ راست مرکزی بینک اور دیگر مالیاتی اداروں سے منسلک ہو چکا ہے۔ یہ ڈیجیٹل نظام نجی شعبے کے 99 فیصد ملازمین کا احاطہ کرتا ہے اور اس بات کی ضمانت دیتا ہے کہ آجر اپنے ورکرز کو معاہدے کے مطابق پوری تنخواہ مقررہ وقت پر ادا کرنے کا پابند ہے۔ اس جدید اور مربوط نظام کے تحت تنخواہوں کی منتقلی کا عمل نہ صرف تیز رفتار اور شفاف ہو گیا ہے بلکہ اس سے کارکنان اور ریاست کے درمیان اعتماد کا رشتہ بھی مضبوط ہوا ہے۔ اس قانونی ڈھال کا فائدہ صرف انہی افراد کو مل سکتا ہے جو قانونی طور پر “ورک ویزا” پر ملازمت کر رہے ہیں۔
بیورو آف امیگریشن اینڈ اوورسیز ایمپلائمنٹ، اسلام آباد (پاکستان)
